EditRe
U CERVU CORSU

   Le cerf fuit la meute des chasseurs....Le Corse lui aussi, "fuit" devant
   le rythme effréné et fou de la société actuelle.

Sogu u cervu, u cervu corsu, l'animaleddu sbanditu...
U culombu, la me morti, laca u corvu ammutulitu...
Ma più u mi visticarè, o crudeli cacciadori...
Da Capicorsu à Pumonti, maladettu vincitori...

Sogu u cervu, u cervu corsu chi si n'inveni di l'aresta
Di la friscura, lu boscu quandi austu faci festa...
Indi sè, la me faieta, sbucciata à middi maglioli
U me verdu puntiddonu, colmu à paci muntagnola...

L'altora si hà spizzicatu, i me carri varmicosi...
Ma ribomba la me chjama in li lamenti vintosi...
A surgenti sarà sicca è l'acquaccia tricaticcia
Turrarà lu biitoghju in una nera fanganicia...

O Corsu, fiddolu d'oghji, u me sirvonu sfidatu...
Arrimitu da lu soldu, di la mufra chi n'ai fattu...
Eiu ùn temu ghjacariccia, nè piumbu nè caccia mossa
Ti facciu per sempiternu a lascita'lli me ossa...

Tù chi và l'anima incheta, eiu sogu un agrunditoghju...
S' è tù ci scontri l'arieta, ti purtarà lu me moghju...
Lu me schiletru bianchicciu chi si dissicca in la machjeta
Finch'un falcu ghjunghjiticciu ni sumenghi la pruneta...

Voddu cù l'antichi Corsi, movamini in Paradisu
A bramà per tempu eternu...Signureddu a lu to visu...
Quandi l'ultima fuchera s'avarà tusu li monti
Quandi u primu sulionu s'avarà spintu li fonti .....